ياعصي جدد شعرك معي ,,

مرحبا الف باهل الشعر
ودنا نسولف مع الشاعر المختفي عصي الدمع

البدع
ياعصي الدمع علــم صحيبك وش جرى
تكسرون الخاطر اللـي لفى مثل الدخيل
قد نوينا نشري البــــر من سوق الثنينا
والبـلا دارت رحانــــا واكـلـنا الحنـضـله

فيض شعري يالنداوي كــــــما سيلن جرى
جيت انا لك مسرعن ممتطي سرجن وخيل
خيلن اشــــــقر نادر الوصف ما منه ثنيــــنـا
والله اني خايفن مـــــــن عيونك تنــــــــضله

بسم الله ,, عيوني بارده يارجال

من يبيع العز في السوق قلي وش شرى
ماني من اهل الردى لا بصبح ولا بليل
نيتي يعلمها ربي على نور الجبينا
ليه خيلك داست البيت وهدت منزله

قد ورثنا العز من ناس حلو في الثرى
والردي ماله معانا جلوس ولا مقــيل
نحمدالله لا سرقنا ولا يومن سبيــنا
زادنا باليد نزرعــــــه وقت المنزلـــه

يوم جيتك اقطف الورد من اهل السرى
ماتقدر صاحب القلب يوم امسى عليل
يابني عمي صاحبك يشتكي جور السنينا
والدوى في وادي الاثنين بللسمر هله

يابن عمي امش قـــدام لاتــرجع ورا
وانا لك ياصاحبي عون ولدربك دلــيل
في الشدايد اعتبرني ذراعك اليمينا
والزمن مايمهلك كان قصدك تمــهله

مانلوم اللي على غير دربي مادرى
والهوى ماكل صاحب بيعرف له سبيل
كنت اظنك في بحور الهوى بتهتدينا
والبلا دارت بنا البـــاخره محـــوله

قول ياليت ماينفــــعك شــــين تــــرا
والهوى يالخوي مافيه شي مستحيل
اضرب القاسي بعزمك وجدك يلينــــــا
وكل صعبن لجل محبوبك استســـهله

لاضربنا العود الاعـــوج يظلّي مكسرا
صرت اعمى في ليالي الهوى قرب الخليل
لين حطيتوا الاصيله على ظلمه و شينا
والبضاعه ضايعه فـــي رحاب القافله

في التجارة شخص يكسب وشخصن يخسرا
وفيه مـــن هو طامـــــعن مايكفيه القـــــليل
كانك انته قد نــسيته فــحنا مــــا نســـينــا
يوم قاضينـــــا حـــــكم وانتـــهت الـــمسأله

يابني عمي جرحي البارحه ماقد برى
كنت اشوفه في عيوني كما مبدا سهيل
من يرد اللي هبينا بدنيا العاشقينا
ضاع حلم البارحه وانتهيت مسلسله

استعذ من كل شيــطان والله اذكرا
وكل دربن يالخوي فيه طلعاتن وميل
الصبر ثم الصبر وانت سيد العارفينا
مايفيدك كثر نـــوحــك وكثر البلبــله

عصي الدمع كتب:: استعذ من كل شيــطان والله اذكرا
وكل دربن يالخوي فيه طلعاتن وميل
الصبر ثم الصبر وانت سيد العارفينا
مايفيدك كثر نـــوحــك وكثر البلبــله

ياعصي الدمع اعجبتني ابياتك وباشقر عليها ,,

ياعصي الدمع لاتنسى ماضي واذكرا
العيون السود مابين كحل وبين ميل
ادري انك بالشماته تهب اشعار فينا
وانت قبل اسنين مابين فيفي وبلبله

خايفن من بعض خلانك ان كانه درى
يعترضك من المشاكل كثـــيرن اوقليل
يارفيقي انت قايد وربـــــــان السفينا
احترس للموج فــان العواصف مقبــله

يعطيكم الف عاااافيه يا شعارنا المتميزين

عصي الدمع كتب:: خايفن من بعض خلانك ان كانه درى
يعترضك من المشاكل كثـــيرن اوقليل
يارفيقي انت قايد وربـــــــان السفينا
احترس للموج فــان العواصف مقبــله

في دروب الشين دمي من الله مهدرى
جيت في نور الليالي كما براق ليل
وكل ضلع يعترضلي بعزمي ناسفينا
واللي يتهمني بالسو علمه مقبله

يعطيك العافيه يالنداوي ولنا لقاء اخر ان شاء الله[b]

الشكر موصول لك ياذيبان
شاعر معنى واستاذ في الجزاله ,,

هنيئا للقبيله بشاعر مثلك ياعصي الدمع ,,

» ياعصي الدمع قرب جاي ؟؟؟
» ياعصي ياشاعر المعنى