انواع العطسات

انواع العطسات((موضوع مضحك))

--------------------------------------------------------------------------------

تعريف العطسة

هي تقلصات في العينين مع دغدغة في الخياشيم ,

يتلوها انفجار من عدة مصادر

انواع العطسة

1- العطسة الصاملة : وهي التي تباغت الضحية بدون مقدمات ,

مسببة له الارباك , ولمن حوله الروعة .

2- العطسة الغير صاملة : وهي التي ترج لاهي اللي طلعت ولا هي اللي هونت ,

وقد يستمر الوضع مايقارب الساعة في الحالات المستعصية ,

مسببة له العطلة ( وقف مصالح البشر ) , ولمن حوله حرقة الدم .

3- سيل العطسات : وهي المتتابعة التي لا تفسح مجال لقول يرحمكم الله ,

وتكثر في الصباح الباكر .

مواقف توهق فيها العطسة :

1- عروس في كوشتها , داقة زينها , جتها العطسة الغير صاملة
( من التعريف يتضح انها تحتاج الى صر عيون وفرك الخشم )
وهذا سوف يخبص مكياج العروس ,
ناهيك عن المنظر الذي سوف ينتج بعد ان تصمل العطسة .

2- معزوم عند اجناب ( مهوب اجانب ) ,
قاعد على السفرة , وتارس اثمه رز .....وجت العطسة الصاملة ...
( ماراح يسلم ولا احد على السفرة )

4- اقبل على زملائه , عطس واحد منهم وحط يده على خشمه ,
يوم وصلهم , بادره ابو العطسة ومد يده اياها يسلم .

5- قاعد في حلقة علم , كبيرهم يحدث , عطس واحد ,
قطع الكبير كلامه و التفت عليه وقال يرحمكم الله ,
لكن العطسة كانت مقدمة لسيل من العطسات ,
كل ما رجع الكبير لكلامه , سكته بعطسة .

المواقف كثيرة ولا مجال لحصرها

نصيحة : بما ان العطسة ما تشاور ,
فعليك بمسايستها ولا تعاسرها ابدا بمحاولتك تاجيلها او كتمها او حتى بلعها ,
فانها سوف تخرج لا محالة , و ترد لك الصاع صاعين

هههههههههههههههههههههههههههههههههههههههه
الله يعطيك العااافيه بنت الجنوووب ويا كثر ما تجيني العطسه الغير صااامله والله انها ترفع ضغطي Mad

موضوع: رد000000 الثلاثاء نوفمبر 22, 2011 12:52 am

هلا والله بأختي بنت الجنوب وصراحه موضوعك ذكرني بموقفين :
الأول: مره كنت اصلي بالناس وجتني عطسات متكرره ورى بعض كل ماقلت ( الحمد لله رب العالمين اقول اتشوووووووه!! الرحمن الرحيم اتششششششششوه!! وراحت صلاتي مابين عطسه ونشقه بالشماغ وفجأة جتني عطسه قويه بس عيت تتطلع وانا وقفت القراءه عشان تطلع وجلسوا اللي ورائي في الصف يرددون علي يحسبون اني غلطت وتجيك ذيك العطسه في المكرفون حتى من قوتها رد عليها واحد في المسجد الثاني !!!!!!!!! confused

الثاني: كنت معزوم عند ناس وجالس ادق بالخمس وفي فمي رز ولحم وفي يدي موزه ويدي الثانيه ببسي (اخطبوط)! المهم وتجيك ذيك العطسه اللي ماسحه الطبلون وقدامي الصحن وبجنبي الضيف(واتشووووووه على وجه الضيف)ودور وجهي بعدها!! affraid

ههههههههههههه

يسلمووووووووو عالموضوع

بناخذ بالنا من الحين

» انواع الرجال
» انواع العجايز
» انواع القلوووووب
» انواع الاطفال;;;'''
» انواع الحب