ملحمة رجال الحجر

-يالله يـا خالـق الدنيـا وعالمـهـا
يا من تلوذ البشـر بإسمـك ورحمانـي

2-أجزلت للخلق بأفضالـك وراحمهـا
واسقيت طور الحجاز بعـذب الامزانـي

3-تدلنـي للقـدى عـن لـوم لايمهـا
ولا تجعل المخطيـه نهجـي وميزانـي

4-أطلبـك يـا عالـم النيّـه وفاهمهـا
تقبل صلاتـي وتخـزي كـل شيطانـي

5-ثبّت حروفي على الجزلـه وداومهـا
واجعل سمين القوافـي منطـق السانـي

6-بيارق المجـد والتاريـخ حاشمهـا
سـلام يغشـى قبايـل تـاج الاوطانـي

7-تسليمةٍ تقضـي الحاجـه ولازمهـا
على بنـي عمـي الوافيـن واخوانـي

8-دعوى المهابه رجال الحَجْر زاهمهـا
أبناء ربيعـه وريـث الحَجْـر تيجانـي

9-منظومة الازد مـا تخفـى معالمهـا
أربـع قبايـل تنومـس كـلّ ميـدانـي

10-من رهو كرّ النقا تبـدأ عواصمهـا
حتى قـرى مسفـره وحـدود شهرانـي

11-أسلافهم لقمـة الشيمـه تقاسمهـا
اخوان وابناء عمومـه لـي وجيرانـي

12-يشهد لهم فاطر الذمّـه وصايمهـا
والله يشهـد ويشهـد كـلّ وجـدانـي

13-صقرٍ محلّق نظـر عينـه تهايمهـا
والبدو والقـرو لـه مخلـب وجنحانـي

14-سفينـةٍ بالغـلا تبحـر طواقمهـا
العـزّ حملاتـهـا والـحـق رُبـانـي

15-الديـن لله وابـن سعـود حاكمهـا
فـي ظـل عبـدالله الوافـي وسلطانـي

16-حفظو حضاراتها وارسو دعايمهـا
حتى غدت جوهـره بأسـواق مرجانـي

17-في عهدهم دارنا تضحك مباسمهـا
واصبح غلاهـم يـدوج بكـل ّشريانـي

18-أبدا بربعي وقيفـي فـي مقادمهـا
بللسمر اهل الكـرم للضيـف والعانـي

19-ربع العزاوي ليا حامـت حوايمهـا
هم تاج راسي والأجدل طيـر حورانـي

20-وبل الثميدي صفوفه في محازمهـا
زاهـب لمـن غرّتـه نفسـه بعدوانـي

21-تاريخهم بان ذكره فـي ملاحمهـا
بأعلى النوايـف لهـم رايـه ونيشانـي

22-بانت على خدّة العـادي مياسمهـا
تاريـخ بيّـن مـع حجـه وبرهـانـي

23-على خطا علقمه تمشـي عزايمهـا
صاحب رسول الهدى من نسل عدنانـي

24-يا من جهل صيتها تابع معاجمهـا
تـروى بحيضانهـا وتبـات ضميانـي

25-والشنفري ابن الاوَاس ابرز علايمها
اسطورة الدهر فـي تاريـخ الازمانـي

26-اللابة اللي ثمـار البُـر رزايمهـا
الله عطاهـا جليـل الملـك والشـانـي

27-الضيف والجار يشبع من ولايمهـا
تلقى العسل عندهـم والسمـن غدرانـي

28-وبني شهر قلعةٍ تفخـر بأوادمهـا
نعم الرفاقـه وسـاع الجـال عربانـي

29-جنبيةٍ في العدى ترعى صوارمهـا
سلاّتهـا اشبيليـه والصـبّ دوجـانـي

30-العلـم والفـن والتفكيـر عالَمهـا
بستان غرس الشهامه لـدن الاغصانـي

31-مثل الرعود القواصف في مرازمها
مابيـن تهـم وحجـاز وبيـن بدوانـي

32-لهم مكانه وهيبـه مـا يزاحمهـا
علـى مكـان الزعامـه واحـدٍ ثانـي

33-الموت للي نوى فكـره يصادمهـا
بحدب الخناجر وحـدّ السيـف شامانـي

34-في جوّها مـا يبـان إلا هياثمهـا
والارض تهـتـز زلــزالٍ وبركـانـي

35-الخير تشبث على فعلـه قواضمهـا
والعدل يبقـى سمـة غاليـن الاثمانـي

36-تاريخ الامجاد يقرا فـي ملازمهـا
يعرف تواريخها القاصـي مـع الدانـي

37-على صكوك الشرف دمغات خاتمها
شرح الذرابه عليهـا اشكـال والوانـي

38-وبللحمر الوافيـه نذكـر مكارمهـا
حصن الجنوب الحصين ولبس الابدانـي

39-ريح الشجاعه ليا هبّـت مواسمهـا
ما تنطـح إلا قـروم ونسـل شجعانـي

40-مخزون قصر الطلاقه من نعايمهـا
زوّار بـابـه مطـاريـشٍ وضيفـانـي

41-الجود والعز مدرج فـي قوايمهـا
صبيـان بللحمـر اليـا قيـل صبيانـي

42-تبقى مزاعم هل الطالـه مزاعمهـا
من زاغ عن ما تريده شـاف عزرانـي

43-كلٍ يبـي عـزوة القالـه يلايمهـا
ويسير دربٍ مشت بـه حمـر الاعيانـي

44-سيل المراجـل وبرّاقـه يداهمهـا
مـن مزنـةٍ ساقهـا هملـول ودانــي

45-أنبت نبات الوفا من عذب غايمهـا
واسقى ديـار الغـلا وبيـوت صدقانـي

46-تروى نحور النشاما من كظايمهـا
والعـد يبقـى مـن الماجـوب مليانـي

47-صوت البنادق تماريبـه مراسمهـا
من صنعة الروس والبلجيـك والمانـي

48-وابني عمر لابةٍ نعـرف وسايمهـا
درع الشمال إن حصل للوقـت ميلانـي

49-قبيلـةٍ شامخـه بيـضٍ عمايمهـا
أحفاد عَمر ابـن حجـر القايـد البانـي

50-يوم الوغى والحمى ماني بظالمهـا
العـزوة اللـي لهـا بقلوبنـا شـانـي

51-عقد النواميس تشهد به معاصمهـا
تاريخهـا للطواحـن يـوم مـا لانـي

52-عادة هل المرت ما تقطع نسايمهـا
أصغر وليـده نهـار الشـان قومانـي

53-الاتراك ذاقت على ايديهم هزايمهـا
ما سلم مـن حاميتهـم ريـح عثمانـي

54-في ساحة الملحمه دُفنت رمايمهـا
وقدّموهـا لطـيـر الـبَـر قربـانـي

55-ما باقي إلا عظامٍ مـن جماجمهـا
ولاّ رفـاتٍ عليهـا صـلـو نيـرانـي

56-مثل المشاهيب حاقتهـم مراجمهـا
صبيـان عمريـن شبّـانٍ وشيبـانـي

57-يخسر لسانه وكفّه مـن يهاجمهـا
يا كم وياكـم عطيـبٍ عـاد خسرانـي

58-يقولها شاعر الموقـف وخادمهـا
والمعذره لـو حصـل بالعلـم نقصانـي

59-يالله عساها تجمّل حـرف ناظمهـا
قصيـدةٍ نظمهـا مـن حبـر قيفـانـي

60-بالله بدينـا وبسـم الله خواتمهـا
وصلاة ربي علـى مـن دينـه اروانـي