اخاف تطيح دمعاتي وانا مقبل على عناقه

اجي يمه اوادع ولكن صعب ما اقدر
وما اقدر على ابعاده وطاري البعد وافراقه


اصد واتهرب وابعد واحاول منه اتعذر
اخاف تطيح دمعاتي وانا مقبل على عناقه


يدري اني احبه حيل ولايمكن بعده اصبر
وانا متعاهد وقلبي صعبه اخون ميثاقه


اخاف يبتعد عني واخاف ابقى معه واخسر
تعب قلبي من افعال الزمان وظلمه وارهاقه


لعلمك كل ماتكبر غلاك بداخلي يكبر
واشوفك داخل اعماقي بوسط القلب واعماقه


انا لا من تذكرتك يضيق الصدر واتعذر
واقلب دفتر ايامي وابعثر كل اوراقه


قهر ياقلب لا تشكي ولا تحزن ولا تسهر
سنين البعد تلعب بك ونار الشوق حراقه


كثير الوقت يجمعنا ولكن الوداع اكثر
كثر مامت في قربه اموت في لحظة افراقه