حب,,,,من اول؟؟؟؟بياله زنجبيل؟؟؟؟؟؟؟؟؟؟؟؟؟؟؟

حب.... من اول ...بياله .... زنجبيل @@@

السلام عليكم ورحمة الله وبركاته

واحد تخرج من الجامعة ولا لقى له وظيفة...المهم اشتراله ابوه فان وبدأ ينقل معلمات مثله مثل غيرة من الشباب العاطلين
وصار له قصه جميله مع بنت من المدرسات إلي ينقلهن

( قصه رومنسية وجميله ومضحكه )

خريج مع وقف التنفيذ
طاح في كبد ابوه وفقع مرارته من كثر مصاريفه
اشترى له ابوه فان وفكه على النسوان
ينقل المعلمات ويأكل سكر نبات
حذف كراسي الفان وفرش الأرضية اشكال والوان
زولية ومخدات وبطاطين ( حسب طلب المعلمات لبعد المسافه عن المنازل )
المهم بينه وبينهم ستاره

وفي مشوار العودة
تغمض العيون ويخيم على الفان السكون

وتمر الأيام تلو الأيام ويزداد في قلب الشاب الضرام
وفي يوم آخر اشتد عليه الزكام وكان يعطس بعنف ياحرام
فشمتته احدهن وقالت له : هل لك في بيالة زنجبيل تراهُ زينٌ بالحيل
ومدت له بيالة تلو بيالة وشرب من يدها حتى الثمالة
وضبط على صوتها راداره وانشغل بها ليله ونهاره
اذا همست رف قلبه وقام يدعو ربه : يارب عساها بنت فلان بن علان
اللي بيتهم في ذاك المكان

وفي يوم لم يسمع لها صوت فاختنق حتى الموت
فتعاطس وتعاطس يستجدي التدليل وبييالة زنجبيل
ولاكن لا حياة لمن تعاطس
( ماذا بلاها )

قال له شيطان الفانات : تعمد تعطيل الفان وكلم النسوان وصدقني حبيبك بيبان

وقف الفان واخمد جواله واستنجد بالنسوان :
الموتر خربان يا خوات وجوالي مزرقن , من معها جوال نتصل على احد يسعفنا؟
هي : سم هذا الجوال
اتاه صوتها كالنسيم العليل
هي والله , ما اجمل جوالها وما اعذب كلامها

ابتعد عن الفان واتصل على جواله ثم مسح رقمه من جوالها ( ذكاء )
واتصل على صديق له وتظاهر بأنه يرشده لحل المشكله
اصلح العطل المزيف واعاد لها الجوال ( الهاتف المشيول )
وخزن رقمها تحت اسم زنجبيل

وفي اليوم التالي تعمد التأخر عليهن لعلها تتصل عليه فلم تفعل
وكرر محاولاته فلم ينجح

وبينما كان ينتقل من منزل لمنزل في صباح ذلك اليوم السعيد اذ رن الجوال
واذا بها زنجبيل
هي : الوه
هو : نعم
هي : بنت فلان لاً تذهب للمدرسة اليوم
هو : سمّي

لم يستطع اخفاء فرحته
لقد عرفها وعرف انها شابة مثله لم تتزوج بعد
فتقدم لخطبتها من ابوها فرفضه وبشده والغا عقده معه
فأصابه الهم والغم لفقدها ولفقد صويحباتها
فقد ذهبن معها
وبدئ مشوار البحث عن اخريات

وبعد شهور من الفراق وعلى حين غفلة منه رن الجوال واذا بها هي المتصلة
فرد عليها بلا شعور: زنجبيل
هي : وش زنجبيله
هو: عفواً من انتي
هي : انا بنت فلان بن علان
هو : سمي آمري
هي : ما يأمر عليك عدو ، بس ودنا نتعاقد معك ثانية ان كانك فاضي
هو : وابوك
هي : الله يرحمه
هو : صحيح ؟؟ عفواً احسن الله عزاك وتغمده بواسع رحمته
هي : جزاك الله خير ، هاه وش قلت
هو : ما عندي مانع , من العام الدراسي الجديد طبعاً
هي : لا من هلحين وترى خوياتي معي
هو : واللي انتم متعاقدين معه وش تسون به
هي : تركناه الكلب
هو : افا وش مسوي
هي : فاك علينا الستاره
هو : الله يستر
هي : وش قلت
هو : عندي شرط
هي : وش شرطك
هو : تقبلين تزوجيني
اغلقت الهاتف بعد صمت طويل ودون جواب
فأرسل من يجس النبض فأتته الموافقه المبدئية

تم الزواج وسعد الزوجين
وفي يوم من الأيام وجدها غاضبة وفي يدها جواله
هو : وش السالفة
هي : انت اللي قلي من هي زنجبيل هللي تكلمك وتكلمها
هو : انتي يا حياتي
واخبرها بالتفاصيل وجرب لها الرقم فضحكت من قصة حبه
وقالت ان كنت حبيتني من اول زنجبيل فانا حبيتك من اول عطسة

هههههههههههه
لاتصدقون ترى اغلب القصص من نسج الخيااااااااال
اعطسوا منا لبكره محد درى عنكم
خخخخخخخخخخخخخخخخ

حررااااااااام يعني القصه مو صدق

انسجمت معها وبالاخير تطلع من الخيااال

مشكوره يالغلا

ههههههههههههههههههههههههههههههههه
بعد كل التعب ذا طلعت القصه كذب
الله يعطيك العافيه مشاعر
وبنتظار جديدك

من قال انها قصه مو حقيقيه
الا صااااااااارت
بس انا اقول اغلب القصص
اخاف الشباب يندفعون للفانات
وكل الشكر لكم على مروركم العطر

صراحه قصه جميله يعطيك العافيه مشاعر $ذكرتيني بأيام الكليه والفانات والسواقين المهرقلين وسرعتهم $سقى الله ذاك الزمان يامحلى الماضي وايام زمان $

الا ليت الزمن يرجع ورى والا الليالي تدور ########### ويرجع وقتنا الاول وننعم في بساطتنا Sad

ههههه
والله لو يموت سواقنا مااديه مويييه
تبون اتزوج شاايب بس عاد اذا كان شباب
باشتري له ريد بول والا كود رد>>متطوره
سواقنا مايقصر يباشر علينا بايس كريم بس انه
ثرثاااار ولصقه

ليه يختي يالدلع سواقكم ماتدينه مووويه

كل يوم يوديكي المدرسه

Evil or Very Mad

ثاااااااااااااااااااااانكس عالمرور

ااااااه يامشاعر جنني من صباحية ربنا
يسولف لا وبعد اذا انتي مستمعه جييده
يديك ورده>>رومانسي الاخ
لكن للروز مصالح يقرقر عليك وياويلك لو
ماانتبهتي واذا دخلتي مزاجه يشتري لك ايس كريم
والسياره اااه يالسياره صالون من عهد صلاح الدين
ااااه بسسس من اليوكن الى صالون

ياحلالاه لو تركبين ددسن أبوعوض وتروحين معاه حوش الغنم كان بيفرجك على عنزه أبوعادل ..

هههههههههههههههههههههههههههههههههه الله يازين اسلوبك يا الاسطوره ومشكوره مشاعر ويا لبى قلب ابو عوض قديمك نديمك