انواع رقص الحريم في العرس

انواع رقص الحريم بالعرس هههههه

----------------------------------------------------------------------


طبعاً مثل مآيقولون..الكتآبـ مبيّن من عنوآنه
الحريم في الزواجات حدّث ولا حرج . . وبالذات إذا جت حزة الرقص



منهن من تثير الشفقة . . ومنهن من ترسم علامات التعجب فوق راسك!!


ومنهن من تجعل المتفرجين يرددون ( الحمد لله على نعمة العقل)


من أن تضع قدميها الكريمتين عالكوشه إلى أن تنهي وصلتها الاستعراضية


/
l
/


والحين نكشف الستآر عن الموآهب المدفوونه


وحده تهز الوسط ؟



و الثانية ترج المناطق العلوية و ما جوارها بتوقيت الرياض





و الثالثة تنفض شعرها بطريقة الفريرة . . تقولون داخله قملة ولا حشرة تبي تطلعها



و الرابعة تحرك يديها بطريقة لولبية كوكبية متوازية الاضلاع كأنها تخبز تميس



و الخامسة تطامر يمين ويسار كأنها لاعبة جمباز كسرت رقاب الاوادم من كثر ما يتلفتون



و السادسة تترنح على أنغام البوب بطريقة هستيرية كنها صرصور باخين عليه بف باف



والسابعة تتهزهز تقولون ماسكها كهرب 220 فولت



و الثامنة تصفق بيديها من تبدأ إلى تنتهي ما تدرون تصفق لنفسها ولا للحضور




و التاسعة ترقص جنب الطقاقات وتخش في وجيههم عشان يزينون لها الطق






والعاشرة تسوي حركات تخليكم تشكون في قدراتها السيكولوجية والفسيولوجية والامبريالية!!!!


.



.



.


كله كوووم واللي يلبسوون برآقع في العروس كوم ثاني




( تدق التسريحة والمكياج والفستان المشخلع والمخلوع بابه وتلبس برقع )




وشلون تجتمع ماااااااااأدري؟!
وإذا طلبوا لها أغنيه تجيكم طااااااايره من آخر القاعة (جاكم الإعصار ما شيّن يعيقه)




وإذا وصلت الكوشه تمسك البرقع بأقوى ما عندها ثم تررررررررميه على الواقفات عالمنصة


والشاطرة تمسكة


واذا خلصت وعينت من الله خير قامت تدور برقعها مثل المسعوورة


لأنها من الحماس ما تدري وين أراضيه


وإذا لقته كنها لاااقيه كنز على طوووول تحطه على وجهه ما تبي أحد يشوفها


.



.


واللي يبط القهر أكثر وأكثر اللي ترقص بولدها ( يالييييييييل أم حبيليص الساااااااري )


ياشيلي يا أم الشباب ياتمايلي


وإذا قام البزر يصيح تنزله وتكمل !


والبزر ياعمري يتعلق في فستانها و يجرجرفيه وهو يشاهق من الصياح


تحسبونها توقف


لالالا إلا تكمل الرقصة إن شاء الله يموت من الصياح اجل تخلي



فلانه اللي طلبت لها الاغنية علشان هالعله لالالالا وألف لالالالا



.



.


وما يضحكني إلا اللي تدخل اسمها في الاغنية واسم العيلة وعيلة العيلة


/
l
/


والأغاني المستخدمة لهذا الغرض تنقسم إلى قسمين :


مدح مباشر مثل :


- (ياصايغين الذهب عطوا الذهب فلانه) ... ادعسسسسسس




- (ردوا سلامي على الفلاينه اللي ما يهابونه)





- (فلانه كل الحلا فيها احترت أنا مدري وش اسميها )... جبر الخواطر على الله




- (فلانه غزال صادها القناص ) .... ياحلالااه يا حماية الحياة الفطرية أي والله



:
.. ..
:



والقسم الثاني مدح غير مباشر:


- (الله يازين اللي حضرت غطت على كل الحضور ) .... بالعدال ياديانا سبنسر


( بس هالاغنية قديمة حيييييييل)


- (قولوا بسم الله على غزالن طب قولوا بسم الله )



هاذي عاد ضاربة بس إلى الآن متداولة للآسف على كثر الأغاني ضاااااقت إلا يغنونها




- (نورت ياحلاها شمس الأقبالي والعذارى شموعن من حواليها ) هاذي عاد من تحت الأنقاااااض

انا يااخي الاسطوره ماارقص اصلا لان يقولون من رقص نقص ههههههههههههههههههههههههه

انا اقصد نقص في عقله مو في وزنه ياذكي والا كان شفت الحريم السمان كلهم يرقصون