ولعي نار الفتيله ولعي

اخي الغالي عصي الدمع المحاوره تكون من بيتين نظم ومعليش انا بأبدأ:

سلام الله سلام(ن) عد برق النجوم 0000000000 للشاعر عصي الدمع فخرى القبيله

ياعصي الدمع علام طيــــرك يحـــوم 0000000000 الشرف كل مـــنا يبغــــا إنه يشيله

مرحبا يامخاوي الذيب وانا جاهز للمحاوره وعندي احساس انك بتلحق اللي قبلك@

خذ الرد:

يامرحبا بك يالخوي عدهل الوسوم.............يا شاعر(ن) كم لي ونااحتري له

جتك المعاني كنها رمي السهوم..............من صابته يمسي وروحه عليله

تأخرت على الموعد ياعصي ولكن ساواصل لكي اكسر شوكتك وادبك :

تأخرت على الموعد وجـا صوبي النـــوم00000000000 شاعـر(ن) واتلحـف قصيدي و اركي لــه

ادري انك بغيت النــوم لكــن مهمــــــوم 0000000000 واللي يطلب مخـاوي الذيب يلقى ويلــه

صح ألسنتكم شعارنا متابعين ومفروض نعطي اللقب مخاوي الذيب عشان التأخير ونقول خل ذبايح ابوك تنفعك

ولكن مخاوي الذيب واثق من نفسه وننتظر جديدكم

يالله عسى حكم ابومتعب علينا يدوم.............. وتدمر اللي شب نار الفتيله

يا صاحبي رح واستمع لام كلثوم................خل الشعر عنك حموله ثقيلة

اعتذر للتأخير فالدوام والنوم والوقت ضيق ولكن انا معك ياعصي لين اطفشك من الشعر :

خل سيفك ياعصي الدمـعي على الثـوم 000000000 وسيفي كم رجال(ن) يهاب بصقيــله

لاتهب ايدك على بيت الداب المسمـــوم 000000000 لايغــرك يــــوم يــطربـــلك راس ذيــله

مرحبا بك يا مخاوي الذيب خذ راحتك وانا معاك حتى نشوف اخرتها

ماني من اللي يكثر الهرج واللوم........ولاني من اللي ينتقص من قبيلة

لكن بحور الشعر تحتاج للعوم..........وماتنعرف في ظرف يوم(ن) وليله

استلم ياعصي الدمع :

انصحـك بلغنــا انـــك تعبـــان ومزكـــوم 00000000 من شــان نعــذرك ونقــول ياحليــله

وان عزمت تصبر على ضربــات القــدوم 0000000 فالعـرب تقــول انشهــد انــه هبيــله

ما اذكر اني صرت في يوم مهزوم...............والكاس دايم في يميني اشيله

انا عصي الدمع من خيرة القوم..................قوم ال ابوعدة ونعم القبيلة

تسلمون ياشعار القبيله وصح الله اللسنتكم وإنتظروني في مداخله أخرى لأني شاعر كبير وسوف أهزم من هو خصمي ,,,,,

يالله ياشعار نبغى المحاوره تشعلل ( واحد يحب المشاكل )

انصحك تستسلم وتعطيني اللقب :

مـالك من اسمـك ياعصـي الدمـع مقســوم 0000000 تقطــر دموعــه على غترتــه ومنديـــله

اتــرك الكـاس واللعــب والشعـــر المنظــوم 0000000 وبـــع فـي سوقكـم مشبــك أو بليــله

استلم واناعصي الدمع

بيتك غدا من نضمك الشعر مهدوم........ماله اساس ولا قواعد تشيله

يا صاحبي اصعفتنا انت والثوم..........وين الروايح والعطور الجميله

ياعصي الدمع مامشيت على لحني ولكن انا راح اجاريك على لحنك :

تطب في السوق لابيع(ن) ولا سوم 0000000 راس مـالــك سـروال(ن) وإلا فنيــله

لاتحسب انـك راس مـن ال مكتــــوم 0000000 السوق مثــلك واشكالــك مايبيــله

شكرا لتواضعك!!!!!!!!!!!!!!!!!!!!!!!!!!!!!!!!

انا حفيد لهازم الفرس والروم............ وراس مالي الكرم والفضيله

والناس تعرف وشهو الصقر والبوم........واللي على راسه تراب(ن)يشيله

سلام مني وانا ولد الرجال القروم....... على شعار المنتدى والقبيلة

ان شاب بيتك جيت من صالة القدوم ..... احسب وزون الشعر واكيلة

هذي قطرات من بحر شعري وجاهز لاي محاورة شعرية ............. وسلامتكم

صح الله السنت شعارنا الكرام ،،،وننتظر مزيد من المحاورات الرقيه...

اخي عصي الدمع اعتذر للتأخير ولكن لضروف وانشاء الله نلتقي في وقت لاحق واشكرك لسعة صدرك

اخي خوي المطاليق كفو وشاعر والايام بيننا وراح نلتقي

اشكرك ملك الرومنسيه على مرورك ومشكور الف

كفوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو

ياشعار القبيلة وننتظر جديدكم ونبيكم تشبون بل منتدى (بس انتبهوا تراى معندنا طفاية)

وفالكم البيرق

* اخي خوي المطاليق والنعم فيك وحياك الله في قسم المحاوره وبالنسبه للمحاوره مع الشعار فالقسم

مفتوح للجميع ومن لديه الرغبه في المحاوره معك يامرحبا به وهذا الشي يسعدنا.

*اخوي ملك الرومنسيه شكرا على مرورك الجميل وننتظر مشاركاتك في هذا القسم.

* صبي بلسمر شرفتنا في القسم وشكرا على متابعتك,

* اما انت يامخاوي الذيب فعسى المانع خير ولاتطول غيابك نحن في انتظار ابداعاتك.

اقدحت من شعري واشعل الضئ ....... وجهرت عيون اهل الحكم والقصيدة

اثر القصايدالمنتدى مهمهية ولا شئ ...... حلفت لطول المنتدى واحكم عقيدة

تـــقـــبـــلـــوا تـــحـــيــــاتـــيـــــ وخــــــالـــــصــــــ تـــــقــــديـــــريــــــ

بسم الله الرحمن الواحد الحي............يامرحبا باللي عجبني قصيده

عندي دوا المرضان بالطب والكي..........والمنتدى بالشعر ينبض وريده

صح ألسنت شعارنا ومحاوره من العيار الثقيل واتمنى ان تكون في موضوع جديد لكي لاتكثر الصفحات

أطويت اوراق عمري طي ورا طي ..... وعلمتني دنياي الوي عنيده

بعض الوجيه ودك بدفنة حي ......... وتقفي عنه وتلغي بريدة

اخي عصي الدمع أنت من الرجال الكفو وحبيت اخذ معك واعطي ........ وسلامتك

موضوع: رد الأربعاء أبريل 06, 2011 11:37 pm

وفقكم الله ياشعارنا الأفاضل وإستمروا بالنزاع وعن قريب سوف أدخل وأعلمكم الشعر على أصوله ياحبايب قلبي....