هل نحن جيل فاشل؟؟؟

كثيراً مانسمع في هذه الأيام من أناس كثيرين وخاصةً كبار السن أن الزمان قد تغير ولم يعد كما كان في السابق ..ويا ليت أيام زمان ترجع ..وكانوا الناس إخوان وأحباب ..وكل شي كان له طعم ..
كثيراً ما نسمع كلمات الإحباط في مجالس الكبار ويرون أن هذا الجيل لا يصلح لتحمل المسؤولية وأن زماننا زمان لا يصلح للعيشة وأنه زمن الإتكال على الغير وإنتشار المحرمات وضيق العيش والغلاء والمصايب وعقوق الوالدين والجرائم... الـخ

نسمعهم يتحسّرون على أيامهم الماضية ويصفوننا ويصفون زماننا بأمور غريبة فهل نظرتهم صحيحة أم أنها معقده؟؟ ولـمـاذا ؟؟وهل هم دوماً محقّين فيما يقولونه عنا ؟؟
وهل يخلوا عصرنا من كل شيء جميل لهذه الدرجة التي يرونها ؟؟أ
أريد أن أرى آرائكم العقلانية دون التعصّب لزماننا ..هل حـقـاً نحن جيل فاشــــــل ؟!!!

انا بالنسبه لي عاصرت جيلين! (ايام زمان ايام الفقر والحياه البسيطه قبل حوالي 40 سنه كان والدي كثير السفر والترحال بحكم عمله وكانت والدتي الله يحفظها تقوم بكل شي! وتتحمل تربيتنا ومشاكلنا ولقافتنا!! وكان الله يصبرها ويعينها لأنها امرأه صالحه.. (واذكر اني كنت اجلس انا واخي الكبير عند باب الشارع وكنا نشوف الوراعين معهم سياكل! ونقول ياليت معنا سيكل لو ثلاث كفرات (وكنا نفحط انا واخي برجولنا عند الباب ونتخيل ان معنا سياكل!!) ومرت الأيام والسنين وتحقق حلمنا الكبير وصار معي سيكل ابو عشرين وماحد قدي! حتى اني مره كنت العب انا واخواني واختنا راعية المشاكل في الصباح ومرت جارتنا (ام سعبوله) وابغى اتغرغر واجدع في السيكل(افحط) وشوي واطيح ذيك الطيحه ومن قوتها رجلي حكت في الزفلت حوالي ثلاثة امتار الين طلعت العظمه وجلست حوالي شهر مااقدر البس الا زنوبه!! ومرت الأيام والسنين وجاء عصر الدش والتقنيه الحديثه ونسينا الحاره وعيالها وانشغلنا بحياتنا ومشاكلها (على العموم طولت السالفه ولكن اشوف بأن زمان حلو ببساطته وتعارف الناس اكثر.. احسن من الحين تلقى الواحد معه كل الوسائل في التعارف وصلة الأرحام ولكن تعاملنا مع التقنيه واساليبها بالشر اكثر من الخير!!) وللحديث بقيه ان شاء الله !

اشكرك مشاعر عالموضوع الرائع # وانا أرى ان لكل زمان سلبياته وإيجابياته # بس اكيد ان ايام اول افضل طبعا في نظري لان الحياه كانت بسيطه وجميله طبعا الان الواحد معه كل شي تقريبا ومع ذلك يحسد اخاه اذارأى معه شيئا احسن منه # يعني صار الحقد والحسد منتشر بين الناس في زمننا الحاضر اكثر من اول # وليس من قال نحن جيل فاشل صادقا في كل الاحوال بل يوجد الكثير والكثير منهم ناجحين في حياتهم العمليه # والفشل والنجاح موجودين في كل زمان#وليسا مقتصرين في زمن عن آخر

الديراوي&بنت الجنوب
اعجبتني صراحتكم وردودكم الراقيه
احنا وصلنا في زمن كل شيء فيه بضغطه زر
وكل شيء نتمناه او تقع اعيننا عليه نمتلكه
تتوقعون راح يجي اليوم الي نقول ان وقتنا هذا افضل من وقت الجيل القادم
؟؟؟؟؟؟؟؟؟؟

الله يستر على القادم من الأيام!! (يعني بالله عليك قبل حوالي عشر سنوات على سبيل المثال هل كنا نتوقع بهذي البلاوي والمصائب والفتن اللي في هذا الزمن؟! وبعد عشر سنوات راح نقول يازين العشر سنوات اللي راحت كانت محترمه كثيييييير ..
(نسأل الله العافيه)! confused

مشكوووره مشاااعر على طرح الموضوع

أنا أرى ان زمان أول تحول زمننآ هذا الحمدلله على كل حال فيه الخير والبركه صحيح فيه بعض الامور التي ترفع الضغط ولكن ما نفول الا الله يفرج الهموم ويقضي الديون وايام زمان حلوه ولكن قطع بطني بسكوت قشطه وعقرني أمجوع ويقعد الثوب بظهري سنين والحين الحمد لله توفر لنا كل شيء

الديراااوي ام سعبوله هذا اسمها الحقيقي والا سعبولتها طالعه أحس انك كرهتها حياتها مسكينه

يعطيك العافيه اخ جاكو على ردك
لاهنت
وين الباقي؟؟؟

أيام زمان حلوه على كلام كبار السن وأنا ما عاصرت الحياه القديمه ولكن حياتنا الان جميله ورائعه Cool

اشكرك على ردك ومرورك
لاهنت

مشكوره اختي مشاعر خجوله على الطرح
بالنسبه لوجهة نظري
في ناس فاشلين في الجيلين
اما بالنسبه بالمتعه في الحياه
فزمان اول ليس له مثيل
الحياة بسيطه والناس على بعض والفتن والمشاكل قليله
واليوم اكثر الاشياء مالها طعم ولارائحه ولالون