قصيده في حال الدنيا

يا جاهل الدنيا ترى ما لها ذوق

ولو كان فيها ذوق ما به قراره

دنيا وراها الموت ما تجذب الشوق

ولا معك من حبها الا الخساره

ما كسبت قدامنا عالماً فوق

لها على عالم ٍ يوم الصداره

قالوا ترى الدنيا مخاييل وبروق

ومن طاوع الدنيا يذوق المراره

وش عاد حنا عالماً ما لنا سوق

أحد ٍ يمين السوق وحد ٍ يساره

كلن لحاله كن ما هوب مخلوق

متوحش ٍ مثل الوحش في المغاره

حتى شيوخ البدو نزالة الفوق

اللي بعد يقدر الجار جاره

اللي ضمايرهم نضاف ٍ من البوق

وصدورهم ما ضيقتها الحضاره

اللي رجع باع الغنم وطلق النوق

قشع هجيره وبتنا له عماره

ولّفهم الشيطان وستاقهم سوق

قفل عليهم في بطون الجحاره

ما عاد حتى اللي من الثوب مشقوق

يزاور اللي يرقبون الزياره

ما كن للمسلم على المسلم حقوق

الا وكيد ويعتبرها شطاره

حتى الى ناصاك والخط مزنوق

يحط ما بينه وبينك ستاره

قلته وانا اللي من عنى الوقت مرهوق

كني على الارهاق جندي خفاره

وبالهم والتفكير ما نيب مسبوق

قصيت رخصه وقتطعت إستماره

لعبت بنا الدنيا على كل طاروق

والناس كلن غايب ٍ في غباره

نسمع بقولت كل مطرود ملحوق

ولا لحقنا الا العنا والغياره

لا تطرد الدنيا ترى طردها عوق

وإعرف تراهي ما تساوي سجاره