قصيده في والدي العزيزحفظه الله

[ الي والدي العزيز

ابوي من مثله بعطفه وطيبه........منهو يبديني على روحه سواه

ياكم طعمني الزاد وهوماهني به.......وياكم كساني ثياب وهو بالي كساه

يحزن لجرحي وهو جروحه عطيبه.......ويسقيني الحالي وهو مر مسقاه

مهما طلبته مطلبي لي يجيبه..........ياكم من اجلي قلبه ايام اشقاه

ياناس قولوا كيف حقه افي به...........درب الوفا بامشيه لو الموت القاه

لواحمله حتى عدن ثم اجيبه...........و امسح بكفي الدرب من قبل ياطاه

لو يطلب عيوني عطيته وهيبه.............ماهي عيوني بس....الروح تفداه

ياالله عسى الافراح دايم نصيبه.............والهم في دنياه مايوم يلقاه

ويالله عسى يبقى فخار وهيبه...........واللي نوى له شر تنشل يمناه