علي الاسمري يمدح بللسمر

الشاعر علي الاسمري يمطر بقصيده في بللسمر :

ماأحبّ أجامل بالقصايد راس..واطلب حبّ عين
لكنّها لا جات عند العنصريّة عنصري

والى تحزّم راس في لابه..وله جنبٍ مكين
أشيل راسي فخر وآنا بين قيفي الأسمري

الجود منّا رايته..في كل عصر و كل حين
فقيرنا يجْمَل..ويوْفِي الشان مثل اطلَق ثري

اِنْ جات عند الزين..زِدنا فوق طيْب الزين زين
واِنْ شان وقت..وشان حزّة..طِيْبنا منها بري

والى تحزّمنا..وشلّينا امّ تاج مجمِّلين
النار والبارود نذراها على المخطي ذري

تاريخنا عزّ و مهابه..حيّنا و الميّتين
درا بها اللي قد درى..ونعلِّم اللي مادري

ولاعلى القبايل زود..من حُضّارها و الغايبين
الشان واحد..تحت حكم الشرع..سيفٍ يبتري

وأمّ القرى قبلة..ولا غيره لنا الاسلام دين
والفرق بالتقوى..ولا يفْرُق بداوة و احضَري

وقيادة آل سعود فخرٍ للعرب و المسلمين
والراية التوحيد..وتراب الوطن له منْحَري

عهدٍ تصونه روسنا..ونعيش ما نخلف يمين
من دونها..لو كل نفس الموت يبراها بري